IMamelodi Sundowns intingele phezulu kuGroup A weCAF Champions League emva kokubetha iTP Mazembe yaseDemocratic Republic of Congo (DRC) ngenqaku elinye eqandeni eLucas Moripe Stadium, e-Atteridgeville, kwintshona yePitoli emva kwemini ngoMgqibelo.
Ifolosi yeqela lesizwe laseNamibia, uPeter Shalulile, ufake inqaku leSundowns, ekhaba ibhola edlule kunozinti weMazembe u-Aliou Faty ngomzuzu wamashumi amathathu anesibhozo. Usompempe waseMorocco, uJalal Jayed, uyikhombe emlotheni emva kokuba ukapteni weMazembe, uKevin Mundeko Zatu, ewise umfo waseBrazil uLucas Ribeiro Costa phakathi ebhokisini.
Ibikokokuqala ngqa eliqela laseDRC livulela inqaku kwimidlalo yeChampions League emihlanu. Eliqela laseDRC libenamathuba aliqela okufumana inqaku, kodwa abadlali balo bebengazazi nokuba zikweliphi na icala iipali.
