IPremier Soccer League (PSL) ivakalise ukudla iwumisile umdlalo weDStv Premiership phakathi kweTS Galaxy neMamelodi Sundowns, obuzakubanjelwa eMbombela Stadium, eNaspoti, ngecala lentsimbi yesixhenxe ngokuhlwa kwangoLwesithathu.
Esisigqibo sithatyathwe emva kokuba ibhasi ebikhwelise abadlali nabaqeqeshi beeRockets ithe yabandakanyeka kwingozi ngethuba itshayisana nenye inqwelo-mafutha kwindlela eya eNaspoti ngemva kwemini yangoLwesibini.
“IPSL ivakalisa ukuqonda nokuxhasa iTS Galaxy FC ngelixesha elinzima. Siyaliqonda ifuthe lesisigqibo kubo bonke ababandakanyekayo, kwaye sixolisa ngokungazenzisiyo,” itshilo iPSL.
IPSL iphinde yathi izakuphinda izibhengeze iinkcukacha malunga nokokuba uyakuphinda udlalwe nini lomdlalo.
