Iqela laseMpuma Koloni, iChippa United, ibhengeze ukuba azakuthengiswa ukususela ngoLwesihlanu amatikiti omdlalo wayo neKaizer Chiefs eBuffalo City Stadium, eMonti, ngoMgqibelo umhla wesithandathu ku-Epreli.
Izakuba ngumdlalo weDStv Premiership wesibini lo iiChilli Boys ziwudlalela kwelibala elisandula ukulungiswa eMonti. IiChilli Boys zabambana ngenqaku macala neCape Town City kwelibala kulenyanga ephelileyo.
Kusenjalo, eliqela elizinze eGqeberha lizakudlala neqela elikwi-ABC Motsepe League, iFC Ravens, kumjikelo wesibini weNedbank Cup kwelibala laseMonti ngoMgqibelo weveki ezayo.
