Inxele uKevin ‘The KO Kid’ Lerena uzakube enyamezele intlungu xa esilwa nembethi-manqindi engekabethwa, uJustis Huni wase-Australia, eKingdom Arena, eRiyadh, kwelaseSaudi Arabia ngoLwesihlanu.
Lentshatsheli yeWorld Boxing Council (WBC) bridgerweight, eneminyaka engamashumi amathathu ananye, iya kulomlo emva kweendaba ezibuhlungu zokubhubha kukanina, osweleke emveni kwedabi elide lomhlaza.
ULerena uqubisana nelityendyana elineminyaka engamashumi amabini anesine elisinqe siseBrisbane, eQueensland, kumlo wentshinga engenamntu kudidi lwanzima kwiWorld Boxing Organisation (WBO) Global kwitumente ekuzakulwa kuyo ummi waseBrithane, omvelaphi iseNigeria, u-Anthony Joshua, noFrancis Ngannou waseCameroon.
