Imvula ine nasentlango njengokuba iLamontville Golden Arrows iphumelele okokuqala emva kokutsala nzima kwimidlalo elishumi elinanye, ibetha iPolokwane City ngenqaku elinye eqandeni kumdlalo weDStv Premiership e-Old Peter Mokaba Stadium, ePolokwane, ngemva kwemini yangeCawa.
UNduduzo Sibiya, ongene njengelalela kwisiqingatha sesibini, ufake elinqaku libaluleke kangaka kanye kwimizuzu emihlanu ngaphambi kokuphela komdlalo. USibiya ungene ebaleni emva kokuthabatha indawo kaMoyela Libamba ngomzuzu wamashumi amahlanu anesithathu.
Yimpumelelo ebaluleke kakhulu lena kwi-Arrows, eyenze iinguqu kwisigqeba sabaqeqeshi kwiintsuku ezimbalwa ezigqithileyo, njengokuba kubuye uSteve Komphela njengomqeqeshi encediswa nguMabhuti Khanyeza noMusa Bilankulu. NguKhanyeza noBilankulu ababesezintanjeni ngethuba eliqela litsala nzima.
