Njengotat’omkhulu owomeleleyo nangona eneminyaka engamashumi amane anesine, uBongani ‘Wonderboy’ Mahlangu uzakwenza umtsi wokuya eBotswana, apho azakulwa khona noTefo Letshikgwane, ozinze eLobatse, ekuthwaseni kwalenyanga ezayo.
Elinxele laseLikwa, eliyinjinga yoMzantsi Afrika kudidi lwejunior-featherweight, lizakulwa noLetshikgwane kumlo we-African Boxing Union (ABU) junior-featherweight kwitumente yeBond Boxing Promotions kaBond Ngubula eFairground Holdings, eGaborone, ngomhla wesithandathu ku-Epreli.
Ephumelele imilo engamashumi amabini anesithandathu (enqumamise iimbethi-manqindi ezilishumi elinesine), ebethwe kwimilo elishumi, uMahlangu ungutat’omkhulu ngenxa yokokuba unyana wakhe oyimbethi-manqindi, uBheki Maitse, enguyise womntwana oyintombazana, uya kulomlo noLetshikgwane emva kokubethwa ngokukhwinisayo nguFadhili Majiha waseTanzania eDar-Es-Salaam ngo-Okthobha nyakenye.
Ukanti ke kwelinye icala, uLetshikgwane, oneminyaka engamashumi amathathu anesithathu nowazalelwa eTihareseleele kwelaseBotswana, uphumelele imilo emine kwemihlanu yakhe yokugqibela. ULetshikgwane sele ephumelele imilo esibhozo, waze wabethwa kwemithathu.
