Iqela elidlala kwiMotsepe Foundation Championship (MFC), i-University of Pretoria, iyikhuphele ngaphandle kwiNedbank Cup iMoroka Swallows, iyibetha ngamanqaku amabini kwelinye kumjikelo wesibini wolukhuphiswano eTuks Stadium ngokuhlwa kwangoLwesithathu.
Emva kokuba bekungekho manqaku ekupheleni kwesiqingatha sokuqala, AmaTuks angcangcazelise umnatha ngenqaku likaTebogo Mohlamonyane ngomzuzu wamashumi amahlanu anesibhozo.
Izinyoni zaseDube zifake inqaku lokulinganisa ngequza likaLwanda Mbanjwa ngomzuzu wamashumi asixhenxe anethoba. UThabang Sibanyoni ufake inqaku lesibini lAmaTuks ngexesha elongezwe ngusompempe begqithela kumaqela asibhozo okugqibela.
