IBafana Bafana ize ngemva ngethuba ibambana ne-Andorra ngenqaku elinye macala kumdlalo wobuhlobo e-19 May 1956 Stadium e-Annaba kwelase-Algeria ngentseni yangoLwesihlanu, ngokwexesha loMzantsi Afrika.
I-Andorra yothuse umzi, ifaka inqaku ngequza likaRicardo Fernandez emva kwempazamo kanozinti weBafana uRicardo Goss ngomzuzu wesithandathu.
Emva kokuzama ukufaka inqaku lokulinganisa izihlandlo eziliqela, ngelingeni iBafana ilinganise amanqaku ngomzuzu wamashumi amabini anesihlanu ngenqaku lika-Elias Mokwana weSekhukhune United.
Umqeqeshi weBafana uHugo Broos uqale umdlalo ngoTapelo Xoki, uPatrick Maswanganyi, uMlondi Mbanjwa noMokwana.
Kusenjalo, iBafana izakudlala ne-Algeria eNelson Mandela Stadium kwintloko dolophu i-Algiers ngoLwesibini kuleveki ezayo.
