Ibhola yoMzantsi Afrika igutyungelwe lilifu elimnyama kulandela ukusweleka komdlali weKaizer Chiefs, uLuke Fleurs, ngokuhlwa kwangoLwesithathu.
Kuvakala ukuba uFleurs, obeneminyaka engamashumi amabini anesine, udutyulwe lwahlanza iselwa ngethuba kuphangwa inqwelomafutha yakhe eRhawutini ngokuhlwa kwangoLwesithathu.
UFleurs wazibandakanya neChiefs, etyikitya isivumelwano sengqesho seminyaka emibini ngo-Okthobha kulonyaka ophelileyo, esuka kwiSuperSport United. UFleurs udlalele iMatsatsantsa a Pitoli izihlandlo ezingamashumi asixhenxe.
