IVoluntary Anti-Doping Association (VADA) ibuye isithi u-Azinga ‘Golden Boy’ Fuzile akanalo nechaphaza lesiyobisi emzimbeni emva kokuvavanya incindi eyayithatyathwe kuye.
Igosa leVADA landwendwela lentshatsheli yamhlamnene kudidi losiba e-All Winners Boxing Club, eMdantsane, kulenyanga ephelileyo.
Incwadi esuka kuMargaret Goodman, ongumongameli weVADA, ithe ngoLwesihlanu: “Lencwadi yazisa uiuba incindi eyaqokelelwa kulembethi-manqindi egama lingezantsi ihlolisisiwe kujongwa amachiza anika amandla emidlalweni ngenkqubo yeCleaning Boxing Program eyenziwa yiVoluntary Anti-Doping Association program.”
Ezantsi kulencwadi, uGoodman udize ukuba ngokweziphumo akukho nto etyhulu. IVADA isebenza neWorld Boxing Council (WBC) ukuqinisekisa ukuba amanqindi acocekile.
