IMamelodi Sundowns ichankcatha kakuhle kwindlela yokuyokuphumelela indebe yeDStv Premiership njengokuba ibethe iCape Town Spurs ngenqaku elinye eqandeni e-Athlone Stadium ngokuhlwa kwangoLwesibini.
Ummi waseBrazil, uLucas Ribeiro Costa, ufake inqaku lalomdlalo kwimizuzu emithathu ngaphambi kokuhlaba ikhefu. URibeiro ufake inqaku emva kokuba usompempe uThabo Mkhabela olathe emlotheni esithi uPeter Shalulile udlalwe kakubi.
Iinkunzi zaseTshwane, emva kwalempumelelo, zishiya iStellenbosch FC ngamanqaku alishumi elinesithathu zisemva ngemidlalo emibini. Ukanti ke, iiBrazilians sele ziqokelele amanqaku angamashumi amahlanu anesibini kwimidlalo engamashumi amabini.
