IMamelodi Sundowns ibeliqela lokuqala ukufikelela kumaqela amane okugqibela kwiNedbank Cup emva kokubetha i-University of Pretoria ngamanqaku amane kwamathathu eLucas Moripe Stadium, e-Atteridgeville, ngokuhlwa kwangoLwesihlanu.
Lomdlalo uye wagqityezelwa ngokuba iqela ngalinye likhabe emlotheni kahlanu emva kokuba umdlalo uphele entanganye ngenqaku macala kwiiyure ezimbini.
IiBrazilians zibeliqela lokuqala ukufaka inqaku njengokuba ummi waseBrazil iLucas Ribeiro Costa engcangcazelise umnatha ngomzuzu wesibhozo.
Ukanti, AmaTuks adlala kwiMotsepe Foundation Championship (MFC), afake elokulinganisa ngequza likaDelano Abrahams ngomzuzu wamashumi amathathu anesibini.
