Igqala uSiphamandla ‘Toytoy’ Baleni uzakulwa okokuqala ekhaya kwisithuba esingaphaya kweenyanga elishumi elinesithandathu xa etshintshiselana ngezithonga nembethi-manqindi yaseZimbabwe engekabethwa uBeaven Sibanda ngoJuni.
UBaleni, owakhe wayinjinga yoMzantsi Afrika, noSibanda bazakulwa kumlo onemijikelo esibhozo ngoMgqibelo umhla weshumi elinesihlanu kuJuni e-Emperor’s Palace, eKempton Park.
Lentshatsheli yamhlamnene kudidi lweminimumweight nolwejunior-flyweight yagqibela ukulwela ekhaya ngethuba inqumamisa uMzamo Makhipheni e-Orient Theatre, eMonti, ngoDisemba 2022.
UBaleni, oyinzalelwane yaseMthatha, nobekwa kwindawo yeshumi elinesine kumanqwanqwa eWorld Boxing Council (WBC), wabethwa nguHasanboy Dusmatov wase-Uzbekistan eRussia ngoNovemba wonyaka ophelileyo.
