ICape Town City neTS Galaxy zibambene ngenqaku macala omabini kumdlalo weDStv Premiership eCape Town Stadium emva kwemini ngeCawa.
Iqela lasekhaya iiCitizens zifake inqaku xa kanye kuzakuphela isiqingatha sokuqala, nqaku elo elize ngequza likaDarwin Gonzalez.
Kwimizuzu emine siqalile isiqingatha sesibini, uSphiwe Mahlangu ulinganise amanqaku ngebhola ebisuka echaphazeni emva kokudlalwa kakubi kukaLehlohonolo Mojrla nguLorenzo Gordinho.
Kusenjalo, iLamontville Golden Arrows ibambene ngenqaku macala neChippa United eMpumalanga Stadium, eHammersdale.
IiChilli Boys ziphale phambili ngenqaku elingene ngomzuzu wamashumi amabini anesithathu, lifaka nguBrooklyn Poggenpoel. UKagiso Malinga ufake elokulinganisa ngomzuzu wamashumi asixhenxe anesithathu.
