USnamiso Ntuli ufuna intshinga yoMzantsi Afrika kudidi lwesuper-middleweight, ntshinga leyo ephethwe ngu-Asemahle Wellem, obethwe eRussia ngokuhlwa kwangoMgqibelo.
Ukubonakalisa ukuba uyawufuna umlo noWellem, uNtuli, oyinjinga yesuper-middleweight KwaZulu-Natal, uzicacisile iinjongo zakhe ngokuthumela kuBoxing South Africa (BSA) isicelo sokucela umngeni kulomfana waseChintsa.
UWellem, obethwe kumjikelo wesithathu kumlo wakhe nembethi-manqindi engekabethwa uDenis Savitsky waseRussia eChelyabinsk kwelaseRussia ngokuhlwa kwangoMgqibelo, uzakuyikhusela okokuqala lentshinga kususela mhla wanqumamisa uCowin Ray kumjikelo wesine ngo-Okthobha 2022.
Kwelinye icala, uNtuli waphumelela intshinga yesuper-middleweight KwaZulu-Natal emva kokunqumamisa u-Andile Mntungwa kumjikelo wesihlanu ngoMatshi.
