Ibhodi kaBoxing South Africa (BSA), enamalungu asixhenxe azakuxhuzula imikhala yolawula iminyaka emithathu, ibhengezwe nguMphathiswa weZemidlalo uZizi Kodwa ngoLwesibini.
Oku kuza emva kokokuba iNational Profeasional Boxing Promoters Association (NPBPA) yayithintela ngokusemthethweni ibhodi eyayityunjwe nguKodwa kulonyaka ophelileyo.
USifiso Shongwe ungusihlalo ozakukhokela ibhodi equka uGqirha Koketso Tsebe, uLuxolo September, uSakhiwe Sodo, uNande Mheshe, uRomy Titus noGqirha Luvuyo Bayeni.
Lebhodi inoxanduva olukhulu lokuthabatha amanqindi oMzantsi Afrika iwabeke endaweni ephakamileyo emva kweminyaka yokufeda kwebhodi eyaphuma kulonyaka ophelileyo.
