IMamelodi Sundowns iphumelele kwakhona njengokuba ibethe iRoyal AM ngamanqaku amabini eqandeni kumdlalo weDStv Premiership eHarry Gwala Stadium, eMgungundlovu, ngokuhlwa kwangoLwesibini.
IiBrazilians zihlabe ikhefu zinkqenkqeza phambili ngenqaku elinye, elifakwe ngumdlali weqela lesizwe laseNamibia uPeter Shalulile ngomzuzu wamashumi amane ananye.
ULesiba Nku ubethelele isikhonkwane sokugqibela kumkhumbi weThwihli Thwahla efaka inqaku lesibini leenkunzi zaseTshwane ngomzuzu wamashumi asixhenxe anesine.
