Iphumelele kwakhona iMamelodi Sundowns njengokuba ibethe iStellenbosch FC ngenqaku elinye eqandeni kumdlalo weDStv Premiership e-Athlone Stadium, eKapa, emva kwemini ngoMgqibelo.
Inqaku elililolo lifakwe nguLesiba Nku emva kokuncediswa nguThembinkosi Lorch ngomzuzu wamashumi amathandathu anesithandathu.
Ngoku iintshatsheli zeDStv Premiership sele ziqokelele amanqaku angamashumi asixhenxe anesibini zisashiyekelwe yimidlalo emibini kulesizini.
Kusenjalo, iCape Town City itywatyushe iRichards Bay FC ngamanqaku amathathu kwelinye eCape Town Stadium.
Ezinye iziphumo:
TS Galaxy 1 Orlando Pirates 0
Lamontville Golden Arrows 1 Cape Town Spurs 1
SuperSport 2 Moroka Swallows 0
Sekhukhune United 0 AmaZulu 1
Kaizer Chiefs 0 Polokwane City 0
Royal AM 0 Chippa United 0
