ICape Town City ibeliqela lokuqala nelokugqibela ukubetha iMamelodi Sundowns kulesizini njengokuba iiCitizens ziphumelele ngenqaku elinye eqandeni kumdlalo weDStv Premiership eLoftus Versfeld, ePitoli, emva kwemini ngoMgqibelo.
Emva kokuba isiqingatha sokuqala siphele ngeqanda macala omabini, inqaku leeCitizens lize ngequza likaJaeden Rhodes ngethuba ebetha ibhola ngaphaya konozinti weSundowns uRonwen Williams emva kwempazamo kaMothobi Mvala ngomzuzu wamashumi amathandathu.
Kusenjalo, iKaizer Chiefs ifedile ukungena kumaqela asibhozo aphezulu emva kokubethwa ngamanqaku amabini eqandeni yiCape Town Spurs, ehliselweyo, ngamanqaku afakwe ngu-Ashley Cupido noMichael Morton eCape Town Stadium.
Ezinye iziphumo:
Orlando Pirates 1 SuperSport United 1
AmaZulu 1 Lamontville Golden Arrows 3
Richards Bay FC 2 Stellenbosch FC 1
Moroka Swallows 1 Royal AM 2
Chippa United 0 Sekhukhune United 1
Polokwane City 1 TS Galaxy 0
