Inzalelwane yaseJamani u-Ernst Middendorp ulahlile njengomqeqeshi weCape Town Spurs ehliselweyo emva kokufeda ukuhlangula eliqela kulesizini egqithileyo.
Ukuhamba kwalomqeqeshi owayesakuqeqesha iMaritzburg United neKaizer Chiefs kubhengezwe zii-Urban Warriors kusasa ngoMvulo.
“Egameni lebhodi neqela lethu, sithanda ukubulela kakhulu ku-Ernst ngokuzinikela kwakhe kwezinyanga zidlulileyo,” utshilo u-Alexi Efstathiou, oyingqonyela yeSpurs.
“Umoya wokulwa awawufakayo kumjikelo wesibini weqela lethu ubumangalisa kakhulu. Ngelishwa, ngenxa yobume bezimali kwiNFD, iqela lethu alikwazanga ukuqhubela phambili nobudlelwane bethu.”
U-Efstathiou wongeze wathi: “Akukho nto etyhulu ngesisigqibo kuba umqeqeshi wayecacisile ukuba yena usafuna ukuhlala.”
Ii-Urban Warriors zagqiba isizini zisemsileni emva kokuqokelela amanqaku angamashumi amabini anesithathu kwimidlalo engamashumi amathathu.
