IBafana Bafana ibambene ngenqaku elinye macala neeNigerian Super Eagles kumdlalo wemfezeko weNdebe yoMhlaba ka-2026 eGodswill Akpabio Stadium e-Uyo kwelaseNigeria ngokuhlwa kwangoLwesihlanu.
UThemba Zwane ubeke iBafana endaweni entle ngethuba ethumela ibhola ngaphaya konozinti weeSuper Eagles uStanley Nwabali emva kwebhola ebisuka kuSphephelo Sithole ngomzuzu wamashumi amabini anethoba.
Eli ibilinqaku leshumi elinambini likaZwane, oneminyaka engamashumi amathathu anesine nodlalela iMamelodi Sundowns, kwimidlalo engamashumi amane anesithandathu kwiBafana.
IiSuper Eagles zikhawuleze zazibonakalisa ekuqaleni kwesiqingatha sesibini zifaka inqaku lokulinganisa ngequza lika-Oluwafisayo Faruq Dele-Bashiru ngomzuzu wamashumi amane anesithandathu.
Ezinye iziphumo:
Angola 1 ESwatini 0
Madagascar 2 Comoros 1
Uganda 1 Botswana 0
Kenya 1 Burundi 1
Zimbabwe 0 Lesotho 2
Mozambique 2 Somalia 1
