IiProteas zibethe iBangladesh ngemitsi emine eNassau County International Cricket Stadium eNew York kwelaseMelika ngoMvulo ebusuku, ngokwexesha loMzantsi Afrika, zaze ngalondlela zaphumelela yomithathu imidlalo yazo.
UHeinrich Klaasen uwusebenzise ngendlela encomekayo umngcunube wakhe, eqhokra imitsi engamashumi amane anesithandathu emva kokujamelana neebhola ezingamashumi amane anesine.
Ukanti, uDavid Miller ubuye nemitsi engamashumi amabini anethoba ejongene neebhola ezingamashumi amathathu anesibhozo ngethuba iiProteas zisenza imitsi elikhulu elineshumi elinesithathu kwii-overs ezingamashumi amabini.
Iphendula kwityala ebelibekwe ziiProteas, iBangladesh iyokuthi finini kwimitsi elikhulu elinethoba kuwe oothinti abasixhenxe kwii-overs ezingamashumi amabini.
UKeshav Maharaj uthabathe oothinti abathathu kubethwe imitsi engamashumi amabini anesixhenxe, logama u-Anrich Nortje ethabathe oothinti ababini kwimitsi elishumi elinesixhenxe.
