UYanga ‘Showtime’ Sigqibo ujonge intshinga ye-International Boxing Organisation (IBO) kudidi lwejunior-bantamweight njengokuba ecele umngeni kwintshatsheli uRicardo Malajika.
USigqibo waseDuncan Village, eMonti, utyikitye isivumelwano sokucela umngeni kuMalajika, owayikhusela ngempumelelo intshinga yakhe ngexesha ebetha uMarcel Braithwaite waseBrithani e-Emperor’s Palace, eKempton Park, kwiinyanga ezimbini ezigqithileyo.
USigqibo, oneminyaka engamashumi amathathu anesibini nowayeyinjinga yoMzantsi Afrika kudidi lwejunior-bantamweight, ubekwa kwindawo yeshumi elinanye kwi-IBO nakwindawo yeshumi elinesine kumanqwanqwa eWorld Boxing Council (WBC).
Kwelinye icala, izakuba sisihlandlo sesibini uMalajika ekhusela lentshinga awayiphumelela ngethuba ebetha uKevin Luis Munoz wase-Argentina ngoSeptemba kulonyaka ophelileyo.
