UPitso Mosimane uyayivuyela inkqubela phambili yomdlali osisiquququ kwiMamelodi Sundowns nakwiBafana Bafana uThapelo Morena.
UMorena, oneminyaka engamashumi amathathu, ungene njengelalela, waze wafaka amanqaku amabini ngethuba iBafana iquthisa iZimbabwe ngamanqaku amathathu kwelinye kumdlalo wemfezeko weNdebe yeHlabathi ka-2026 eFree State Stadium, eBloemfontein, ngokuhlwa kwangoLwesibini.
“Ndiyavuya kukubona uThapelo Morena kubhalwa ngaye kumaphephandaba. Kwafuneka ndiye eRandfontein ndiyokucenga abazali bakhe ukuba atyikitye nathi. Kwakunzima kuba neChiefs yayimfuna ngoko. Ndiyavuya kuba ndadlala eyam indima,” uMosimane utshilo kwiRadio 2000 ngokuhlwa kwangoLwesine.
UMosimane, owayeqeqesha iSundowns ne-Al Ahly watyikitya uMorena esuka kwiBloemfontein Celtic esiya kwiiBrazilians ngo-2016.
