Isahluko sikaPhakamile Jacobs, ebesithiwe mbende luloyiko nobumpatha, emanqindini aseMonti sizakuvalwa ngci ngokusemthethweni ngoMvulo.
UJacobs uzakube enikezela iintambo zolawulo kuSiya Vabaza-Booi ngokusemthethweni ngaphambi kwabalawuli bakaBoxing South Africa (BSA) eMonti.
I-Ink Sport izamile ukuthetha nebambela ngqonyela kwaBSA uMandla Ntlanganiso othe bona bayabulela ngenkonzo uJacobs ayinikezele emanqindini.
UVabaza-Booi, owayengumgwebi emanqindini, ubhengezwe njengomlawuli omtsha kaBSA eMpuma Koloni engena ezihlangwini zikaJacobs, oxhuzule imikhala yolawulo iminyaka engaphaya kwamashumi amabini.
UVabaza-Booi, oyinzalelwane yaseDuncan Village eMonti nowakhe waphumelela iwonga lokuba yiFemale Ring Official of the Year, wenze imbali ngokuba linina lokuqala ukuba ngumphathi wephondo kaBSA.
