IRichards Bay FC izakuqhubela phambili idlala kwiDStv Premiership emva kokutywatyusha iBaroka FC ngamanqaku amane eqandeni kumdlalo wePSL Promotional/Relegation play-off eKing Zwelithini Stadium, eMlazi, eThekwini emva kwemini ngoLwesithathu.
Inzalelwane yaseGqeberha uSomila Ntsundwana ebetshisa kulomdlalo njengokuba efake amanqaku amabini, logama uSanele Barns efake elinye, laze elinye leza ngequza likaLwandile Mabuya.
IiNatal Rich Boys ziphale phambili ngenqaku likaNtsundwana ngomzuzu wamashumi amathathu anesixhenxe. Kwimizuzu emithandathu elandelayo, uBarns ufake inqaku lesibini leeNatal Rich Boyz.
UNtsundwana ufake inqaku lakhe lesibini kulomdlalo ngomzuzu wamashumi amathandathu anesibini, waze uMabuya wafaka inqaku lesine leeNatal Rich Boyz kwimizuzu emihlanu ngaphambi kokuphela komdlalo.
