Kukhululwe igquba labadlali kwiChippa United njengokuba iiChilli Boys zibhengezile emva kwemini ngoLwesine ukuba zikhulule abadlali abalishumi elinesithandathu.
ULuvuyo Memela, Roscoe Pietersen, Lloydt Kazapua, Azola Ntsabo, Siyabonga Nhlapo, Senzo Nkwanyana, Siphelele Luthuli, Darren Johnson, Menzi Ndwandwe, Andile Fakude, Kamohelo Mahlatsi, Diego Appolis, Khanyisile Mayo, Siseko Manona, Yuriq Conwood no-Andile Mbenyane bakhululiwe emva kokuphela kwezivumelwano zengqesho.
Kusenjalo, uGoodman Mosele noMalebogo Modise, ebebeze ngemboleko kwiChilli Boys, bazakubuyela kwi-Orlando Pirates neMamelodi Sundowns ngokulandelelana.
