Olilungu lesigqeba sabaqeqeshi beCape Town City, uMoritz Kossman, uzishiyile iiCitizens eyokusebenza kwiSV Reid kwelase-Austria.
UKossman ushiye iiCitizens emva kokuzibandakanya neliqela njengomqeqeshi weqela leDiski Challenge nokuba yintloko kwezophuhliso ngoJuni kulonyaka ophelileyo.
“Eliqela limnqwenelela amathamsanqa odwa umqeqeshi uMoritz Kossman, ozibandakanye negqiza labaqeqeshi kwiqela lase-Austrian iSV Ried. Omnye umqeqeshi ophuma eMzantsi Afrika esiya eYurophu,” zitshilo iiCitizens kusasa ngoLwesine.
Ngaphambi kokuzibandakanya neeCitizens, uKossman wayesebenza njengomqeqeshi wabangaphantsi kweminyaka engamashumi amabini ananye e-Ubuntu Football Academy.
