Lisukile ithunzi ebilisoloko lijikeleza itumente yamanqindi elilima phakathi kweXaba Promotions neZbashy Promotions ezakubase-Orient Theatre, eMonti, kuleCawa ezayo.
Oku kulandela emva kokuthingaza ebekukho malunga naletumente njengokuba ezizintlu zimbini zabathelekisi zenze amalungiselelo athile neBoxing South Africa (BSA) malunga noxanduva lwezimali.
“Izakuqhubela phambili itumente yangeCawa umhla wamashumi amathathu kuJuni njengokuba umthelekisi, uXaba, ithethe noBSA malunga namalungiselelo okulungisa izinto. Le yindlela yokwenza esiyikhuthazayo ukuze kubekho iitumente. Kwanjengokuba besisele sitshilo, uBSA uvuleleke kulo lonke uthethathethwano ukuze amanqindi azokuphumelela,” itshilo ingqonyela ebambeleyo kwaBSA uMandla Ntlanganiso ngoMvulo.
Umlo ophambili kuletumente ngowentshatsheli yoMzantsi Afrika kudidi lwentambanani uLandile ‘Man Down’ Ngxeke noJerald Paclar wasePhilippines kwimijikelo elishumi. – Monwabisi Jimlongo
