IBafana Bafana idlale ngokulingana ngenqaku elinye macala neMozambique kumdlalo kaGroup A kwitumente ye-2024 COSAFA Cup eNelson Mandela Bay Stadium, eGqeberha, ngokuhlwa kwangoLwesithathu.
IBafana iphale phambili ngenqaku elifakwe ngukapteni wayo uRushwin Dortley emva kokudlalelwa kakuhle ngu-Ethan Brooks kwimizuzu emithandathu ngaphambi kokuhlaba ikhefu.
IiMambas zifake inqaku lokulinganisa ngethuba imbumbulu ebisuka kuChamito Alfândega ingcangcazelisa umnatha ngomzuzu wamashumi amathandathu anesihlanu.
Kusenjalo, iSihlangu Semnikati saseSwatini sibambene ngeqanda macala omabini neeZebras zaseBotswana komnye umdlalo.
