IiProteas zenze imbali ngentseni yangoLwesine ngokwexesha loMzantsi Afrika zifikelela kumdlalo wamagqibelakaNkqoyi okokuqala kwiNdebe yeHlabathi njenfokuba zizakudlala ngoMgqibelo nephumeleleyo phakathi kwe-India neNgilane.
Oku kulanddla emva kokuba iiProteas zibethe i-Afghanistan ngoothinti abalithoba kumdlalo weT20 World Cup eBrian Lara Stadium, eTarouba, kwelaseTrinidad.
IiProteas ziyiqhokre lula kakhulu imitsi engamashumi amathandathu kwii-overs ezisibhozo neebhola ezintlanu emva kokukrwitsha i-Afghanistan ziyiqhobosha nje ngemitsi engamashumi amahlanu anesithandathu kwii-overs ezilishumi linanye neebhola ezintlanu.
UReeza Hendricks uqhokre imitsi engamashumi amabini anethoba no-Aiden Markram wabetha amashumi amabini anesithathu kwindlela yokusa iiProteas kumdlalo wamagqibelakaNkqoyi wokuqala njengokuba ziyiphumelele yosibhozo imdlalo yazo kuletumente.
