Aqhubela phambili amalungiselelo esizini ezayo kwiCape Town City njengokuba eliqela libhengezile kusasa ngoLwesine ukuba lityikitye uKayden Francis.
Lomfana oneminyaka engamashumi amabini ananye utyikitye neeCitizens isivumelwano seminyaka emine esuka kwiChippa United eMpuma Koloni.
“Sichwayitile kukwazisa ukuba sifikelele kwisivunelwano neChippa United ukuzs sifumane uKayden Francis,” zitshilo iiCitizens.
Lomdlali wasesiswini, oyinzalelwane yaseGqeberha, ebekwiiChilli Boys ukususela kwiqela labo labaselula. UFrancis ufake amanqaku amane kwimidlalo elishumi elinethoba kulesizini ephelileyo.
