ICape Town City ivakalisile kusasa ngoLwesihlanu ukuba ityikitye umdlali wasesiswini uFortune Makaringe emfumene simahla.
UMakaringe, okhululwe yi-Orlando Pirates ebutsheni balenyanga, utyikitye isivumelwano seminyaka emithathu neeCitizens.
“ICape Town City ichwayitile kukwazisa ukuba ityikitye umdlali wasesiswini uFortune Makaringe,” zitshilo iiCitizens.
UMakaringe, oneminyaka engamashumi amathathu, ebekwiiBuccaneers ukususela mhla wazimanya neliqela esuka kwiMaritzburg United yaKwaZulu-Natal Midlands.
