Owayengumdlali wasemva kwiKaizer Chiefs neWits University uBradley Carnell ulishiyile iqela leMajor League Soccer (MLS) eMelika iSt Louis City ngoMvulo kulandela iziphumo ezingancumisiyo.
UCarnell, oneminyaka engamashumi amane anesixhenxe, wazimanya neliqela laseMelika esuka kwiNew York Redbulls ngoJanyuwari 2022.
Kusenjalo, usomaqhinga weliqela uJohn Hackworth nguye ngoku ozakubamba iintambo zokuqeqesha kude kufunyanwe umqeqeshi omtsha.
