IChippa United izakubhengeza ukutyikitywa kowayesakuba ngumdlali wasesiswini kwiMoroka Swallows neMamelodi Sundowns u-Andile Jali kusasa ngoLwesine.
Lenzalelwane yaseMatatiele neyakhe yadlala kwiBafana Bafana izakubhengezwa njengomdlali omtsha weeChilli Boys eNelson Mandela Stadium, eGqeberha, ngentlazane.
UJali, oneminyaka engamashumi amathathu anesine, ebesoloko ‘engenakhaya’ kususela mhla wemka kwiiDube Birds kwisithuba esingaphaya kweenyanga ezintandathu.
