IChippa United ibhengeze ukuba ityikitye umdlali wasephikweni lasekhohlo uGiovanni Philander ngokuhlwa kwangoLwesihlanu.
UPhilander udlale kakuhle kakhulu ngethuba iqela laseNtshona Koloni iFN Rangers ibidlala kwimidlalo ye-ABC Motsepe League kazwelonke neyokuzibekela indawo kwiMotsepe Foundation Championship (MFC) e-Upington, eMntla Koloni.
UPhilander ngumdlali wesibini ukutyikitywa ziiChilli Boys kwiintsuku ezimbini ezilandelelanayo. IiChilli Boys zityikitye owayedlalela iMoroka Swallows neMamelodi Sundowns u-Andile Jali ngoLwesine.
