IMamelodi Sundowns ivakalisile kusasa ngoMgqibelo ukuba uSteve Komphela ubuyele kweliqela njengomqeqeshi omkhulu.
UKomphela, obeqeqesha iLamontville Golden Arrows, uzakuncedisa uManqoba Mngqithi kunye nesigqeba sabaqeqeshi beeBrazilians.
“Ndivuya kakhulu ukubuyela kwiMamelodi Sundowns apho bendisoloko ndivuseleleka, ndiphathwa ngentlonipho nothando. Ndizimisele ukubanegalelo ekubeni eliqela lifezekise zonke iinjongo zalo eMzantsi Afrika nakwilizwekazi i-Afrika,” utshilo uKomphela.
UKomphela washiya ezinkunzi zaseTshwane eyokuzibandakanya neMoroka Swallows kulesizini ephelileyo. Kodwa akazange ahlale xesha lide kwiiDube Birds njengokuba wahamba wayokuzibandakanya nAbafana Bes’thende.
Kusenjalo, iiBrazilians zisaziqeqesha apha eMzantsi Afrika ngaphambi kokuntingela e-Austria, apho zizakuqhubela phambili namalungiselelo esizini ezayo.
