Akakhange kakhulu uKaine Fourie njengokuba enqumamise uSiseko Makeleni waseMthatha kumjikelo wokuqala kumlo wabo obuseBox Camp Booysens, eRhawutini, ngokuhlwa kwangoMgqibelo.
Ngenxa yaloompumelelo, uFourie, ongekabethwa, uphumelele intshinga ebingenamntu kwi-International Boxing Federation (IBF) Continental Africa kudidi lwelightweight.
Ukanti, intshatsheli yoMzantsi Afrika kudidi lwanzima uShaun Potgieter unqumamise Musa Ajibu waseMalawi kumjikelo wesibini.
Kusenjalo, uSimnikiwe Bongco waseDuncan Village, eMonti, ubambene no-Ashington Ziwakaya waseZimbabwe kumlo wakhe wokuqala kudidi lwabahlawulwayo.
Ezinye Iziphumo:
U-Ishmaeel Kadri ubethe u-Asiphe Ntshili
ULopez Maluleke woyise uSinenkosi Mlotswa
USiphelele Myeza ubethe u-Iviwe Mgema
U-Aimedo Bomamo Ekala woyise uMeagan King
