Imbethi-manqindi yaseMdantsane nezakulwa kudidi losiba uSanele Sogcwayi, owaphumelela imbasa yesilivere kwiMandela African Boxing Cup eThekwini kwiinyanga ezintathu ezagqithayo, utyikitye isivumelwano neGolden Gloves kaRodney Berman.
Umlawuli kaSogcwayi uThembelani ‘Shakes’ Hlombe udize ukuba imbethi-manqindi yakhe ityikitye isivumelwano seminyaka emithathu neGolden Gloves.
“Sibuyele ekhaya sivela eRhawutini, apho sityikitye khona isivumelwano seminyaka emithathu neGolden Gloves. USogcwayi uzakuqeqeshwa apha eMonti, aye ngokuyokulwa eRhawutini,” utshilo uHlombe.
NgokukaHlombe, uSogcwayi oneminyaka engamashumi amabini anesibini noqeqeshwa yinjinga yanhlamnene kudidi losiba kwiWorld Boxing Association (WBA) ne-International Boxing Organisation (IBO) uSimphiwe ‘V12’ Vetyeka, uzakulwa okokuqala kudidi lwabahlawulwayo ngo-Okthobha. – Monwabisi Jimlongo
