Izangxa zaseTanzania iYoung Africans zihlaze iKaizer Chiefs ziyiquthisa ngamanqaku amane eqandeni kwiToyota Cup ngaphambi kwabalandeli bayo eFree State Stadium, eBloemfontein, emva kwemini ngeCawa.
Iqela laseTanzania liphale phambili ngamanqaku amabini eqandeni esuka kuPrince Dube ngomzuzu wamashumi amabini anesihlanu noStephane Aziz Ki xa kuzakuphela isiqingatha sokuqala.
UClement Mzizi wongeze inqaku lesithathu kwimizuzu elishumi elinambini siqalile isiqingatha sesibini, waze u-Aziz Ki wafaka inqaku lakhe lesibini ngomzuzu wamashumi amathandathu anesithathu.
