IStellenbosch FC sityhilizele iTS Galaxy ngaphandle kwiMTN8 emva kokuyibetha ngamanqaku amathathu kwelinye eDanie Craven Stadium kwiCape Winelands emva kwemini ngeCawa.
IiRockets ziphale phambili ngenqaku likaKamogelo Sebelebele ngomzuzu weshumi elinesibhozo. Kuthabathe iStellies imizuzu esixhenxe ukufaka inqaku lokulinganisa elize noJayden Adams.
IStellies siphale phambili okokuqala ngethuba ibhola ebisuka kwintloko ka-Andre de Jong idlule kunozinti weeRockets uWensten van der Linde kwimizuzu emine ngaphambi kokuhlaba ikhefu.
UFawaaz Basadien uqinisekise ukuba iiRockets zinyuka iqhina xa ebefaka inqaku lesithathu leStellies ngomzuzu wamashumi amahlanu anesixhenxe.
