Imbethi-manqindi yaKwaZulu-Natal engekabethwa uSabelo ‘Mkhonto’ Cebekhulu uzakuvana amandla nommi wasePakistan, owakhe wazama ukuphumelela intshinga yehlabathi uMuhammad ‘Falcon’ Waseem kulenyanga ezayo.
UCebekhulu ulwa noWaseem, oneminyaka engamashumi amathathu anesithandathu, kumlo weWorld Boxing Federation (WBF) kudidi lwentambanani eMalta ngoLwesihlanu umhla wamashumi amabini anesixhenxe kuSeptemba.
UCebekhulu, oneminyaka engamashumi amabini anesithathu, uyiphumelele yonke imilo yakhe esixhenxe, enqumamise amadoda amathathu. Uya kumlo noWaseem emva kokunqumamisa uLayten Gloss kumjikelo wesithathu ngoJulayi kulonyaka ophelileyo.
Kusenjalo, phakathi kukaJulayi 2018 noMatshi 2022, uWaseem wacela umngeni kwintshinga ye-International Boxing Federation (IBF) kudidi lwempukane izihlandlo ezimbini, wawa phantsi.
UWaseem waseQuetta kwelasePakistan wabethwa nguMoruti Mthalane waseMzantsi Afrika ngo-2018, waze waphinda wabethwa nguSunny Edwards waseBrithane ngo-2022.
