IMamelodi Sundowns Ladies ayikhange ilibone eliwinayo njengokuba ibethwe ngamanqaku amathathu eqandeni yiKansas City Current kwiWomen’s Cup eCPKC Stadium, eKansas City, kwelaseMelika ngentseni yangoLwesine, ngokwexesha loMzantsi Afrika.
Lomdlalo uyeke ukuba lukhuphiswano kwakwimizuzu engamashumi amane anesihlanu yokuqala njengokuba iKansas City inkqenkqeze phambili ngamanqaku amathathu eqandeni ekupheleni kwesiqingatha sokuqala. Amanqaku eKansas City afakwe ngu-Alexa Spaanstra, uMichele Cooper noVanessa Dibernardo.
Kusenjalo, iSundowns izakudlala neqela laseJapan i-International Athletic Club Kobe Leonessa kumdlalo wendawo yesithathu ngoMgqibelo.
