Iqela laseMpuma Koloni iChippa United ibhengeze ukubuya kowayesakuba ngumdlali wayo u-Azola Matrose, esuka kwi-Orlando Pirates emva kwemini ngoLwesine.
UMatrose, oneminyaka engamashumi amabini ananye noyinzalelwane yaseWalmer eGqeberha, ubuyele kwiiChilli Boys emva kokutyikitya isivumelwano seminyaka emithathu esizakolulwa ngeminyaka emibini ukuba wenze kakuhle.
“Sithanda ukubulela i-Orlando Pirates FC ngobudlelwane esinabo ngelixesha. Ukubuya kuka-Azola kuphawula ithuba elibalulekileyo kwiqela lethu njengokuba ezakudlala indima enkulu kulesizini ezayo,” utshilo usihlalo weeChilli Boys uSiviwe ‘Chippa’ Mpengesi.
