Umnqweno kaNtombokuqala Tolashe wokuphumelela intshinga yoMzantsi Afrika umbone ethabatha elinye ithuba njengokuba ezakulwa noMatshidiso Mokatsane eVibrant Sport Club e-Ottery, eKapa, ngoLwesihlanu umhla wamashumi amathathu ku-Agasti.
UTolashe, oqeqeshwa e-9th South African Infantry (9SAI) Boxing Club eKhayelitsha, eKapa, noMokatsane, owazalelwa eKroonstad, bazakulwela intshinga engenamntu eMzantsi Afrika kwicandelo labasetyhini kudidi lwefeatherweight.
UTolashe, ozinze eKhayelitsha, ubethwe kabini kwilinge lokuphumelela intshinga yoMzantsi Afrika kwicandelo labasetyhini kudidi lwejunior-lightweight. Wabethwa nguNozipho Bell kabini ngoJulayi 2021 nango-Okthobha 2022.
Ukanti kusenjalo, uMokatsane wayeyintshatsheli yoMzantsi Afrika kudidi lwejunior-featherweight, ntshinga leyo awaphulukana nayo ngethuba ebethwa nguNomusa Ngema eBloemfontein ngoDisemba kulonyaka ophelileyo.
