Awusekho kulenyanga umlo wentshinga enganamntu kwi-International Boxing Organisation (IBO) kudidi lwejunior-flyweight phakathi kukaMpumelelo Tshabalala noJunior Leandre Zarate wase-Argentina.
Lomlo obubekelwe uMgqibelo umhla wamashumi amathathu ananye ku-Agasti eMidrand, ngoku uzakubanjwa kulenyanga ezayo.
Ngokokutsho kwekhasi leXaba Promotions kuFacebook, letumente izakubanjwa ngoMgqibelo umhla weshumi elinesine kuSeptemba.
“Ncedani namkele nasi isibhengezo esisesikweni sokumiswa kwetumente yethu yomhla wamashumi amathathu ananye ku-Agasti. Emva kokucelwa ngugxa wethu kusasazo sigqibe ekubeni siyimise letumente ngenxa yeeParalympics,” utshilo umyalezo weXaba Promotions.
Imidlalo yeeParalympics izakuqala ngomhla wamashumi amathathu ananye ku-Agasti iyokuphela ngeCawa umhla wesibhozo kuSeptemba eParis kwelaseFransi.
“Thina kunye nabachaphazelekayo sikhethe ukuqhubela phambili netumente ngomhla weshumi elinesine kuSeptemba,” itshilo iXaba Promotions.
