Iminyaka emine emva kokuguqukela kumanqindi esuka kwibhola ekhatywayo, ekugqibeleni uPhikelelani Khumalo ufumana ithuba lokulwela intshinga yelizwekazi njengokuba ezakuvana amandla noFaustin Busaka kulenyanga ezayo.
UKhumalo, owashiya ibhola ekhatywayo wangena kumanqindi ngo-2020, ulwa noBusaka waseDemocratic Republic of Congo (DRC) kumlo wentshinga engenamntu kwi-African Boxing Union (ABU) kudidi lwemiddleweight eStation Urban Event Space eThekwini ngoMgqibelo umhla wesixhenxe kuSeptemba.
Eqeqeshwa nguyise uMlindelwa eMhlanga, uKhumalo, owayedlalela iLamontville Golden Arrows neMaritzburg United kwiDiski Challenge, uyintshatsheli yaKwaZulu-Natal kudidi lwejunior-middleweight.
Kusenjalo, inzalelwane yaseNtshanga neyintshatsheli yaseKZN uNtethelelo Magcaba uzakulwa no-Andile Mafeka kumlo wentshinga engenamntu kwi-ABU kudidi lwejunior-bantamweight kuletumente enye.
