I-Orlando Pirates iphinde yafikelela komnye umdlalo wamagqibelakankqoyi eMTN8 emva kokubetha iCape Town City ngamanqaku amathathu kwelinye, ngokwamanqaku angumndilili e-Orlando Stadium, eSoweto, ngoMgqibelo.
IiBuccaneers ziwafake kwisiqingatha sokuqala omabini lamanqaku ngentloko kaTshegofatso Mabasa ngomzuzu wamashumi amabini anesihlanu kunye nequza likaDeon Hotto kwimizuzu emibini ngaphambi kokuhlaba ikhefu.
Lamaqela mabini ebebambene ngenqaku elinye macala omabini eCape Town Stadium ngokuhlwa kwangoLwesithathu.
Kusenjalo, iPirates izakudlala nephumeleleyo kumdlalo wangeCawa phakathi kweStellenbosch FC neMamelodi Sundowns eMoses Mabhida Stadium eThekwini.
