Kwakukho ukungaxoli nokukrokra emva komlo wabo wokuqala ngo-Agasti kulonyaka ophelileyo, ngoku intshatsheli yoMzantsi Afrika kudidi losiba uZolisa Batyi no-Abdul-Aziz Kunert bazakuphinda balwe kwakhona.
Njengokuba balwa ngokulingana eBellville, eKapa, uBatyi noKunert bazakuphinda emva kwendlu ngoNovemba eMonti.
“Ewe, yinyaniso leyo. Ndizakulwa noBatyi ngoNovemba,” uqinisekise watsho uKunert.
Izakuba sisihlandlo sesithathu uKunert elinga ukuphumelela lentshinga enye. Wabethwa ngowayeyinjinga yoMzantsi Afrika kudidi losiba u-Asanda Gingqi ngoSeptemba 2021, waze walwa ngokulingana noBatyi ngo-Agasti kulonyaka ophelileyo.
Kwelinye icala, uBatyi sele eyikhusele kathathu intshinga yakhe – walwa ngokulingana noKunert, waze wabetha uLucky Hobyane ngoMatshi noYamkela Phaliso kulenyanga ephelileyo – kususela mhla wayiphumelela ngokunqumamisa uJeff Magagane kumjikelo wesibini ngoDisemba 2022. – Monwabisi Jimlongo
