Owayesakuba yintshatsheli yoMzantsi Afrika uMzolisi ‘Mjopa’ Yoyo ulilungu elitsha laseLuvuyo Boxing Club eMdantsane.
Ukufika kukaYoyo, owayeyintshatsheli yoMzantsi Afrika kudidi lwejunior-welterweight, kuqinisekiswe ngumphathi waseLuvuyo Boxing Club u-Andile Mshumpela.
“UMzolisi Yoyo uzibandakanye nathi njengomqeqeshi osebenza noLuvuyo Tyamzashe emva kokuba uPatrick Quka efunyenwe kukugula okubangele ukuba angakwazi ukuhamba. UYoyo wayeyinjinga yoMzantsi Afrika. Iimbethi-manqindi zonwabile yindlela aziqeqesha ngayo,” utshilo uMshumpela.
UYoyo, oneminyaka engamashumi amane anesithandathu, ufike ngexesha elifanelekileyo njengokuba ngoku eqeqesha uBongani Fule, ozakulwa no-Abelo Tokwe kumlo wentshinga engenamntu kudidi losiba eMpuna Koloni eGinsberg, eQonce, ngeCawa umhla wamashumi amabini ku-Okthobha. – Monwabisi Jimlongo
